Read more

Ilaa xiligii la samaynayey Puntland Madaxweynaha hada xilka hayaa wuxuu ahaa Gudoomiyihii Gobolka Nugaal wuxuuna ka mid ahaa Gudigii loo xilsaaray dastuurka markii la samaynayey Puntland,hase ahaatee Ilo goob joog ahaa ayaa sheegay in Cabbdiraxmaan Faroole iyo labo nin oo kale oo ka mid ahaa SSDF oo hada magacyadooda aanan  sheegeen sababtoo ah wax xil ah kama hayaan Puntland ayaa aad u  diidanaa in waxaan Beeshooda ahayn ayna ka soo qayb geli karin Maamulka loo samaynayo Degaanada hada la yiraahdo  Puntland.
Dood weyn ka dib waxa laga xoog roonaaday kuwii watay fikirka Faroole wax yar ka dibna isaga oo xanaaqsan ayuu ka dhoofay Dalka isaga oo aaday Austaraaliya 

Cabdiraxmaan Faroole wuxuu soo laabtay Shirkii Jabuuti lagu qabanaayeyee Carta  kaas oo Madaxwaynihii  Puntland xiligaas iyo shacabka reer Puntland intooda badani ay ka soo hor jeedeen ,wuxuuna halkaa ka sheegay Faroole  hadal uu ku aflagaadeenayey Madaxweynaha Xiligaa Xukunka hayey Cabdulaahi Yuusuf  isaga oo ku sheegay inuu yahay Cabdulaahi yuusug  Dhiigyo cab, hase ahaatee waa ku guul daraystay ololihii uu watay  waxaana  uga xoog roonaaday Xasan Abshir oo ay isku Beel yihiin sidaas awgeed mar labaad ayuu Ustaraaliya ku laabtay.

Wada hadal dheer iyo dib u heshiisiin ayaa  waxa dalka ku soo ceshay Cabdulaahi Yuusuf kana dhigay Wasiirka Maaliyada sidii caadadu ahayd wuxuu bilaabay kala qaybin iyo in uu Madaxweynihii xiligaa xukunka hayey Maxamed Cabdi Xaashi oo ka soo jeedaya Beelihii uu diidanaa in  markii horeba ka mid noqdaan Puntland ayaa si cad ugu sheegay Madaxweyne Maxamed Cabdi Xaashi in  Garoowe tahay goofkiisa wuxuu doonana uu ka  samayn karo waana la ogaa wuxuu ka smaeeyey iyo in uu  Baarlamaanka dagaal ka riday.

Ugu danbayntii Madaxweynaha xukunka haya iyo Ubadkiisa boobka u yimid Puntland ayaa waxay noqdeen kuwo ka yaabiyeySoomaalida Puntland ka dib markii shirki looga hadlaayey Budhcad badeeda ay uga soo  qayb galeen Puntland  Madaxweynaha Puntland, labadiisa Wiil oo  kala watay derejada ah la taliyaha Madaxweynaha arimaha dhaqaalaha iyo arimaha warfaafinta wax kale waftiga weheliyey wasiirka Maaliyada oo sadexdan Qof oo hore ay isku Dal ka yimaadeen Ustaraaliya iyada oo meesha uuna joogin lagana sugaayey Shirka  madaxii la dagaalanka Budhcad badeeda Puntland iyo Wasiiro ka mid ahaa Xukuumada oo waqti badan siiyey si uu u hirgalo shirakani  Wadamo badana u tegay.

Ujeedada Puntland uu ka leeyahay Dr Faroole waa mid Cad waana sida uu  lacag uga urursan  lahaa waana sababta uu u kaxaystay Wasiirka Maaliyada oo haba yaraatee meelna ka soo gelin la dagaalanka Budhcad badeeda, sidoo kale haduu jiri lahaa Baarlamaan Xalaal ah oo Dadka metela  waa danbiile Mdaxweynaha Faroole  sababtoo ah Madaxweyne ka aamusay  dadkiisa oo la xasuuqayo laguna soo duulay degaano uu ka taliyo  waa qodobada ugu horeeya oo Madaxweyne xilka looga qaado