Read more

Soomaalidii ku jirtay Xabsiyada dalka Libya ayaa gebi ahaanba Oodda laga wada
qaaday, oo haatan farxad ku jooga guryahii ay degganaayeen ,warka ayaa intaas ku daraya: in Soomaalida laga sii daayay Xabsiyada ay tiradoodu la
eg-tahay 322 qof, kuwaas oo ay 27 ka mid ahi yihiin Haween.

     Xabsiyadii iyo Xarumihii laga sii daayay Soomaalidan ayaa kala ahaa sidan:-
Zilitan 120 qof, Masraata 78 qof, Gafuuda 50 qof, Adjabiya 5 qof, Garabulle 42
qof, Zawiya 27 qof...

     Waxaa jira tira yar oo Soomaali ah,oo weli ku harsan Xabsiyada, kuwaas oo la
filayo in iyaguna ay maalmaha nagu soo aaddan dib u heli doonaa Xurriyaddooda.

     Sii-daynta dadkaan ayaa ka dambaysay dadaal dheeraad ah iyo u-guntasho ay
sameeyeen Madaxda cusub ee Safaaradda Soomaalida ee dalka Libya, oo uu ugu
horreeyo Sii-hayaha Safaaradda:-Cabdulgani Maxamed Wacays.

     Dawladda Libya ayaa iyaduna garowsatay in farsad kale oo 3 bilood ah la siiyo
dadkaan Soomaaliyeed, muddadaas oo laga rabo Soomaalidan in ay ku samaystaan
Sharciyo ay ku joogi karaan Libya, kuna shaqaysan karaan, ama ay dib ugu
noqdaan dalkoodii hoyo.

     Dadkaan ayay soo qabashadoodu timid markii hore, xilli ay badankood doonayeen
in Tahriib xagga Badda ah, ay Libya uga tallaabaan ilaa Yurub. Dadka qaar ayaa
iyaguna lagu soo eedeeyay in ayan samaysan Sharci ay ku joogaan Libya.

Allcayn.com

SSC somalia