Read more

Waxaa caawa degan xaalada magaalada Widhwidh ka dib markii maanta halkaas dagaal culus ka dhacay. Ciidamada SSC ee Xaq u dirirka ah iyo maleeshiyaadka SNM ayaa isku horfadhiya agagaarka magaalada Widhwidh.

hasaaraha dhabta ah ayaan ilaa hada si rasmi ah loo xaqiijin, waxaase warar lagu kalsoon yahay sheegayaan in maleeshiyaadka SNMta laga diley 6 askari oo midi yahay sarkaal ka soo jeeda Oodweyne. Dhanka SSC ayaa la sheegay in uu hal askari ka shahiidey inkastoo aysan jirin cid si rasmi ah u xaqiijisey.

Waxaana adag in la helo Khasaaraha dhabata ah ee dagaalkaasi gaystey ka dib markii Shirkada telesom jartay gebi ahaan isgaadhsiin deegaankaasi. Shirkada isgaadhsiinta ee Telesom wax warbixin ah kama aysan soo saarin sababta ay u demisey isgaadhsiinteeda. Aayadoo aalaaba marka xaalad noocan oo kale ah ay timaado hawada ka saarta isgaadhsiinta deeganada SSC.

Dhanka kale waxaa ku soo biiray ciidama Jiida hore ee Widhwidh ciidamo ka tirsan Guutada Ismaaciil Mirre ee uu hogaamin jirey Kayse Cabdi Yuusuf. Ciidankan ayaa waxay maanta si rasmi ah uga qayb qaateen dagaalada Widhwidh ka soconaya, ilaa hada ma cada in uu taliyahoodii Kayse weheliyo ciidamada iyo inkale.

Isku soo wada duubo xaalada deeganada SSC ayaa gashay jawi colaadeed ayadoo ay muuqato talaabooyin muujinaya Hogaanka SSC uu dar dargelinayo hawlaha. Walow ay jiraan caqabado kale sidii arintii ka dhacday jiida hore ee ciidamo ka tirsan Xoogaga SSC ay uga baxeen furumaha ayagoo salka dhigay Tuulada Dan dan, ilaa hadana aan si rasmi ah loo ogeyn waxa sababay. Waxaana jira dedaalo kala gedisan oo ay wadaan Qurba joogta iyo waxgaradka SSC ee ciidamadaasi ka soo jeedaan kuwaasoo loogu soo celinayo jiidii ay kaga jireen difaaca dalkooda.