Read more

Waxaa galabta makhribnimadii soo gaadhay magaalada Nairorbi ee xarunta dalka Kenya Wasiirka Ariamaha debeda Ee SSC Pro: Mohamud Ali Jama

Wasiirka oo ka soo degay Gegida dayuuradaha ee caalmiga ah ee Jomo Kenyatta International Airport ayaa waxaa halkaas kaga hortagay Boqolaal ka tirsan shacabweynaha SSC ee ku dhaqan dalkan Kenya. Wasiirka oo ay soo dhaweyntiisa si weyn u qaban qaabiyeen gudidada Jaaliyada SSC ee Bartamaha iyo Bariga Afrika ayaa waxaa sidoo kale ka qayb galay gudida haweenka iyo Barbaarta gaashaaman ee SSC.

Wasiirka oo ka soo kicitimay magaalada Adis Ababa ee xarunta dalka Ethiopia halkaas oo uu todobaadkii u danbeeyey hawlo shaqo u joogay, ayaa warbixin koobaan oo uu siiyey Saxafada SSC wuxuu ku sheegay in uu la kulmay madax sar sare oo ka tirsan xukuumada dalka Ethiopia ayna isla soo qaadeen arimaha SSC si wanaagsan isugu afgarteen.

Mar aan weydiiyey bal cida uu ka xusi karo madaxdii uu la kulmay ayuu sheegay Pro: Mohamud Ali Jaamac in uu la kulmay mas'uuliyiin ay ka mid yihiin Generaal Gebtra Dilla oo ah ergeyga gaar ah ee arimaha Soomaaliya u qaabilsan dalkaasi Ethiopia iyo wasiiro kale.

Wasiirku markii uu soo degayba wuxuu booqasho ugu tegay Garaad Jamaac Garaad Ismaaciil, wuxuuna ku soo booqday Hotelka uu ka dagan yahay Nairobi garaadku.

Pro: Jaamac waxaa lagu wadaa inuu dhawaan halkan kulamo kala duduwan kula yeesho Madax ka tirsan beesha Caalamka iyo dalalka daneeya arimaah Soomaaliya. Wuxuu sidoo kale ka qayb geli doonaa shir weyne maalinta Khamiista ah lagu qaban doono Nairobi kaasoo shacabka SSC ee jooga Kenya ka soo wada  qayb geli doonaan hadii Alle idmo.

Sidoo kale waxaa ayana la sugaya madax kale oo ka tirsan Jaaliyadaha iyo aqoonayanada SSC kuwaasoo uu ka mid yahay Eng: Cali Xaaji Cigge oo ah Gudoomiyaha Jaaliyadda SSC ee Imaaraadka iyo kuwo kale