Waxaa uu kala wareegay madaxweynaha haatan xilka hayey ee Axmed Cilmi Cismaan (Axmed Karaash).sida dastuurka iyo dimoqraadiyadda ku saleesan.ee Khaatumo state of somalia
Xaflada xil wareejinta oo ka dhacday goobta Berdaha Khaatumomaalintii shalay  oo ku yaala koonfurta magaaladda Taariikhiga ah ee Taleex ,ayaa waxaa ka soo qayb galay masuuliyiinta maamulka Khaatumo, Cuqaal, Aqoonyahano iyo dadweyne kala duwan oo dhamaantood ka qaybgaly isbedelka u horeeyey ee maamulkooda.
Warbixino kala duwan oo ay musuuliyiinta wasaaraddaha Lixda ah ee maamulka khaatumo ka kooban yahay oo ay ugu talagaleen xil wareejintan kadib,  waxaa halkaas hadal ka soo jeediyey madaxweynaha taladda wareejinayey oo laga bilaabo maanta noqon doona madaxweyne ku xigeenka sadexaad, kaas oo ka war bixiyey waxqabadkii mudadii lixda bilood ahayd ee uu taladda hayey.
Axmed Cilmi Cismaan waxa uu ballan qaaday inuu la shaqayn doono madaxweynaha haatan taladda haya sidii wanaagsanayd ee uu isba ula soo sheqeeyey, waxaanu ka codsaday dhamaan laamaha kala duwan ee mamaulka iyo dadwenuhuba inay la shaqeeyaan.
Gabagabdii xafladaasi ayaa waxaa sawaxan iyo qaylo loogu soo dhoweeyey madaxweynaha haatan talada Khaatumo loo egmaday Maxamed Yuusuf Jaamac “(indhasheel) oo halkaas hadal kooban ka soo jeediyey, isagoo ka codsaday inay gacan siiyaan waqtiga uu taladda hayo, lana sii laban laabo dadaalka loogu jiro sidii maamulka khaatumo state uu u horumari lahaa.
Madaxweyne Indhosheel ayaa goobtii uga mahadceliyey Madaxweyne Axmed karaash hawshii cuslayd uu  uqabtay dadkiisa iyo dalkiisa. isagoo sheegay inuusan hadana meel fog tegin ee weli talada ka dhiiban doono golaha madaxtooyada.

(Heesta maantaa iyo khaatumo)